Вучич со Лајчак во Белград: „Уште еднаш предупредив дека српскиот народ на Косово и Метохија е изложен на најжестоко мачење и прогон…“ (ФОТО)

Српскиот претседател Александар Вучиќ денеска се сретна со специјалниот претставник на Европската унија за дијалог меѓу Белград и Приштина и други регионални прашања на Западен Балкан, Мирослав Лајчак.

По средбата, Вучиќ на социјалните мрежи објави:

– Разговарав со Мирослав Лајчак за ситуацијата на Косово и Метохија, начините за смирување на тензиите на терен и спроведувањето на досега постигнатите договори. Уште еднаш предупредив дека српскиот народ на Косово и Метохија е изложен на најлошата тортура и прогон во последните 15 години и ги повторив барањата за почитување на нивните права и безбедност. Ја повикав меѓународната заедница поконкретно да се ангажира за сите овие прашања. – пишуваше во објавата на Инстаграм.

Средбата започна во 11 часот во зградата на Генералниот секретаријат на Претседателот на Републиката.

Лајчак пристигнува во Белград, по посетата на Приштина каде се сретна со Вјоса Османи и Албин Курти.

Вјоса Османи му пренела на Лајчак дека централните институции, заедно со меѓународните партнери, се посветени на надминување на актуелните предизвици и покажале волја за деескалација, нудејќи да организираат нови избори на северот на Косово и Метохија, во согласност со законските одредби и рамки.