Вучиќ доби специјален подарок од сопственикот на ПСЖ: Претседателот имаше уште еден специјален гостин (видео)

Фудбалската федерација на Србија (ФСС) организираше прием за претставници на Европската фудбалска унија (УЕФА) во пресрет на 49. Конгрес на УЕФА, што ќе се одржи утре во Белград, а претседателот на Србија, Александар Вучиќ имаше можност да разговара со една од фудбалските легенди.

Бидејќи по овој повод во Белград е ѕвездата на светскиот фудбал Луис Фиго, домаќин му беше претседателот Вучиќ.

Вучиќ објави интересно видео на својот официјален Инстаграм профил и покажа како тоа изгледа.

– Претседателе, кој е човекот што стои до тебе? И чиј тим е подобар? – стои во описот на ова видео.

Исто така, на видеото се гледа како претседателот Вучиќ добива специјален подарок од сопственикот на Пари Сен Жермен, Насер Ал-Хелаифи, а во прашање е дрес со бројот 10 на кој пишува „Вучиќ“.