Вучиќ пред состанокот со Курти: Нема капитулација ниту враќање во 90-тите

Претседателот на Србија Александар Вучиќ пред поаѓањето во Брисел каде во понеделник ќе се состане со премиерот на Косово Албин Курти порача дека Владата на Србија ќе го направи сето она што е најдобро за земјата. Вучиќ објави обраќање до граѓаните на својот Инстаграм профил благодарејќи на дел од луѓето во Србија, кои, како што рече, не е голем и кој има доверба во своето раководство.

„На оние кои однапред се подготвуваат да нѐ напаѓаат, затоа што потпишавме нешто, бидејќи така ќе бидеме предавници, а всушност никогаш не беа загрижени за својата земја, и оние други кои доколку не потпишеме нешто однапред знаат дека сме виновни и дека се враќаме во деведесеттите, сакам само да кажам да не се грижат, ќе се грижиме за нив, ниту ќе има капитулација, ниту ќе има враќање во деведесеттите“, рече Вучиќ.

Тој додаде дека Србија ќе оди напред колку и да биде тешко.

Вучиќ и Курти се состануваат на покана на претставниците на Европската унија (ЕУ) за надворешна политика и безбедност Џозеп Борел во рамките на дијалогот на Приштина-Белград во Брисел.

Од Брисел е наведено дека на состанокот ќе стане збор за Предлогот на ЕУ за нормализација на односите помеѓу Косово и Србија.

Борел и специјалниот претставник на ЕУ за дијалогот на Косово и Србија Мирослав Лајчак првин одделно ќе се состанат со лидерите, а потоа ќе биде одржана заеднички, трилатерален состанок.

TRT Balkan