Германија: Недостиг од лекови, затворени 120 аптеки

Се повеќе аптеки во последниве години во Германија се затвораат со алармантна брзина, а само во првите три месеци од оваа година се затворени повеќе од 120 аптеки, покажуваат податоците на Сојузното здружение на германски фармацевти (АБДА).

„Во моментов имаме најмал број аптеки од раните 1980-ти“, изјави портпаролот на ABDA, Кристијан Сплет за Euronews.

Оваа ситуација остави многу германски жители без клучни врски со системот за здравствена заштита, особено во руралните области, бидејќи фармацевтите честопати се првите специјалисти што луѓето бараат помош за нивните проблеми пред да се јават на лекар.

„Фармацевтите исто така вршат основна функција во здравствениот систем што не можете да ја измерите според количината на лекови што ги продаваат“, рече Сплет.

Според АБДА, постојат неколку причини зошто аптеките брзо се затвораат, но главната причина е што се чини дека нема многу иднина за младите фармацевти.

Комплицираните бирократски процедури доведуваат до затворање на многу приватни аптеки.

Дополнително, според официјалната национална база на податоци PharmNet.Bund, која ја следи набавката на лекови во Германија, повеќе од 400 лекови се наведени како недостапни во земјата.

На 14 јуни илјадници аптеки ги затворија вратите на еден ден во знак на протест против се потешката ситуација во која се наоѓаат.

Работниците бараат Владата да ја зголеми таксата за секој лек на рецепт, од 8.35 на 12 евра.

Но, германскиот министер за здравство Карл Лаутербах го отфрли барањето на фармацевтите, велејќи дека нема дополнителни средства за исполнување на барањата на персоналот.