Германски пратеник: Чекаме да видиме дали Вучиќ ќе ги почитува договорите

По изборите се очекува ставот на Вучиќ за почитување на договорите со кои би се нормализирале односите Косово-Србија.

Германскиот пратеник Томас Хакер изјави дека безбедносната ситуација на Западен Балкан и понатаму е загрижувачка.

Во секое појавување кога зборува српскиот претседател, Александер Вучиќ изразува резерва за спроведувањето на бриселските договори, за нормализација на односите со Косово.

Германскиот пратеник Томас Хакер е изненаден од неговото колебање.

Но, вели дека треба да се почека по изборите доколку Вучиќ е сериозен да не ги почитува договорите постигнати преку дијалогот.

Хакер смета дека само преку искрен дијалог може да има безбедност во регионот на Западен Балкан.

„Навистина, безбедносната ситуација и понатаму е чувствителна во регионот на Западен Балкан. Тоа што се случи во Бањска беше многу опасно кога беше нападната косовската полиција, меѓу нив имаше и мртви. Овие настани мора да се избегнуваат во иднина и меѓународната заедница мора да направи повеќе за безбедноста на регионот. Српскиот претседател Александар Вучиќ пред само неколку дена за време на предизборната кампања изјави дека нема да го почитува договорот со Косово, не знам дали ова го кажал за политички цели или навистина ова е негов став. Сепак, треба да почекаме уште малку и да видиме какви одлуки ќе донесе“, изјави германскиот пратеник.

Германскиот политичар вели дека историјата на Германија може да послужи како добар пример за Косово, но и за Србија.

Понатаму, пратеникот од Демократската партија на слободата смета дека е дојдено време да се тргнат казнените мерки од Косово.

„Доколку Косово и Србија имаат намера еден ден да станат дел од европското семејство, тогаш треба да знаат дека тоа може да се постигне само преку комуникација и нормализација на односите. Случајот со Германија е добар пример, тоа беше земја поделена на две земји и требаше долго време додека не почнеме да имаме нормална комуникација, но конечно се собравме. Двете земји треба да бидат еднакви и да работат што е можно повеќе за влез во Европската унија. Се надевам дека наскоро ќе се отстранат казнените мерки за Косово затоа што навистина веќе немаат смисла и ќе почнат со имплементација на француско-германскиот план“, рече тој за Нави1.

Европската унија уште еднаш повтори дека Охридскиот договор и анекс се правно обврзувачки за Косово и Србија.

Претседателот на Србија, Александар Вучиќ, одби да го потпише договорот во Охрид и изјави дека Србија има црвени линии за некои точки од договорот.