ГИ СЛЕДИТЕ ОБЈАВИТЕ НА ХАМАС – ОДИТЕ ВО ЗАТВОР! Израелскиот парламент, Кнесетот, усвои нов закон, со максимална казна од ЕДНА ГОДИНА зад решетки
Парламентот на израелскиот Кнесет синоќа го усвои амандманот со кој се криминализира гледањето на про-Хамас содржини, јавува турската агенција Anadolu.
Се дознава дека пратениците гласале за измена на законот за борба против тероризмот со што, меѓу другото, гледањето и користењето „терористичка содржина“ би станало кривично дело.
Овој закон им забранува на граѓаните „систематска и континуирана употреба на публикации на терористичка организација под околности што укажуваат на идентификација со терористичка организација“.
Амандманот ги означува палестинското движење Хамас и Исламската држава (ДАЕШ/ИСИС) како криминални терористички организации.
Максималната казна за тоа кривично дело е една година затвор.
Се вели дека законот е усвоен како привремена мерка за две години, но Кнесетот може да го продолжи на крајот од тој период.
The Knesset passed a law banning the “systematic and prolonged” online viewing of pro-terrorist content for the next 2 years.
— Jewish News Syndicate (@JNS_org) November 8, 2023
The law bars Israelis from systematically viewing online content that glorifies Hamas and Islamic State.https://t.co/aLacZRL9UA pic.twitter.com/kFJ9DqVEaB
Амандманот дојде откако Израел започна воздушни и копнени напади врз Појасот Газа по нападот на Хамас врз јужен Израел на 7 октомври.
