„ГИ ТЕРА СИНОВИТЕ ДА СЕ ОБЛЕКУВААТ КАКО ДЕВОЈЧИЊА, ГИ ЗЛОСТАВУВА“: Меган во центарот на жесток скандал
Меган Фокс се огласи по приказната дека ги тера своите синови да се облекуваат како девојчиња, иако тие не сакаат. Таа му рекла на човекот кој ја прозвал – „се плеткаш со погрешна вештерка“.
Актерката Меган Фокс веќе неколку дена е главна тема на американските медиуми, поради спорот околу начинот на кој ги воспитува децата. Се започна кога продуцентот Роби Старбак објави фотографија од Меган со нејзините синови, кои имаат долга коса, а на сликата еден од нив носи розова маица.
Меган има три момчиња со поранешниот сопруг Брајан Остин Грин, Ноа (10), Боди (9) и Џорни (6).
„Ова се синовите на Меган Фокс, ние живеевме во иста затворена заедница и нашите деца играа во паркот. Видов дека двајца од нив се нервираат бидејќи нивната мајка ги тера да носат облека за девојчиња, а дадилката се обидува да ги утеши . Чисто злоставувани деца. Молете се за нив“, напиша Старбак, кандидат за Конгресот.
Неговите коментари одекнаа во анти-ЛГБТ заедницата, а набрзо реагираше и самата актерка.
„Јас пред куќата на Роби Старбак“, напиша Меган покрај фотомонтажата на гола жена која наводно јаде мртво животно, а натписот „Сестрата е запрепастена од видеото на кое се гледа вештерката како изведува ритуал и јаде животински труп“.
Меган не еднаш ја изненади јавноста со приказната за „ритуалите“ што ги прави, а кои понекогаш вклучуваат крв . Но, таа секогаш зборуваше за воспитувањето на децата, нагласувајќи го нејзиниот слободен пристап.
„Работата на родителот е да го почитува детето како индивидуа, а не да го контролира. Не треба да ги обликуваме нашите деца во луѓе што мислиме дека треба да станат“, рече таа.
Меган подоцна директно му се обрати на Старбак и му кажа дека „се плетка со погрешна вештерка“ .
„Не сакав да ви посветам внимание затоа што знам дека го посакувате тоа. Но, дозволете ми да ве научам нешто. Без разлика колку сте очајни во потрагата по пари, успех или слава, никогаш не користете ги децата како оружје или валута во општеството, особено не со зли намери. Злоупотребата на моето дете за внимание за твојата политичка кампања те стави на погрешната страна на универзумот. Многупати ме палеле на клада несигурни нарцисоидни, импотентни човечиња како тебе . Ти си тплеткање со погрешна вештерка“, му напишала Меган.
