ГН на Австрија: Седма победа сезонава на Макс Ферстапен

Возачот на Ред Бул, Макс Ферстапен, победи на денешната трка за Големата награда на Австрија и со седмиот овосезонски триумф е чекор поблиску да ја одбрани титулата светски првак во Формула 1.

Втор низ целта на патеката Ред Бул Ринг во Шпилберг мина Шарл Леклер (Ферари), додека на подиумот се искачи и вториот возач на Ред Бул, Серхио Перез. 

Ферстапен до победата дојде на убедлив начин, задржувајќи го стартното место до самиот крај, и ја зголеми предноста во генералниот пласман со 229 бодови, 81 повеќе од клупскиот колега Перез а второто место. 

Следната трка е за една недела на патеката Силверстон за Големата награда на Велика Британија.