ГОЛЕМА ВОЕНА ВЕЖБА НА НАТО НАД БАЛКАНСКОТО НЕБО – Алијансата ја проверува употребата на нуклеарно оружје во Медитеранот

Над воздушниот простор на Хрватска, Италија и над Јадранското и Средоземното Море, во тек е вежбата на НАТО „Steadfast Noon 2023“, каде се проверува употребата на нуклеарно оружје од воздушниот простор, а летовите на американските и сојузничките авиони се очекува да траат до 26. октомври.

Според веб-порталот Balkan Security Network, домаќин на вежбата е базата „Авиано“ во Италија.

„Американците чуваат нуклеарни авијациски бомби во посебни складишта во базите на партнерите на НАТО, а доколку се реши да се посегне по средствата од најголемата сила, тие се ставени на носачите на американски или сојузнички авиони. Според проценката на Федерацијата на американските научници, има 35 нуклеарни бомби во специјални засолништа во базите ‘Авиано‘ и ‘Геди‘ во северна Италија“, пишува споменатиот веб-портал.

Во текстот се додава дека примарна платформа за носење на овие средства е авион F-16 од две ескадрили на 31-то крило, единица постојано стационирана во „Авиано“.

Алтернативно, тие можат да бидат вооружени со италијанскиот авион за напад Tornado или некој од американските авиони кои можат да дојдат од далечни бази во случај на потреба.

„Авионите од таа единица беа користени во борбени мисии над Балканот во 1994 и 1995 година и подоцна во 1999 година. Два F-16 беа соборени – едниот на 2. јуни 1995 година кај селото Бравско од страна на војската на Република Српска користејќи го ракетниот систем за воздушна одбрана и еден четири години подоцна кој беше соборен од ЈНА“, се вели во текстот.

Во вежбата учествуваат до 60 авиони и 13 земји од НАТО.

„Американците се носители на задачата и покрај тактичките борбени авиони ќе ја проверуваат работата на екипажите на стратешките бомбардери B-52Х кои ќе летаат од Велика Британија и ќе симулираат акции на исток од медитеранскиот басен. Обуката вклучува симулирани операции, но авионите нема да летаат со нуклеарни бомби. За потребите на обуката се обезбедени бомби за вежбање, кои по димензии се еквивалентни на вистинските“, стои во текстот.

Две нуклеарни бомби B61 можат да се закачат на држачите на под крилните летала на F-16.

Нивната сила зависи од избраната термонуклеарна боева глава, која може да биде само 0,3 килотони, за специјални задачи за уништување вредни предмети од мали акции, и до 50 килотони, доволно за уништување на голем град.

Вежбите од серијата „Steadfast Noon 2023“ се одржуваат секоја година во октомври, но зоната во која се одржуваат се менува. Оваа година, главната база на силите за обука ќе биде „Авиано“.