ГОЛЕМА НЕСРЕЌА – Експлозија во рафинерија однесе повеќе од 20 човечки животи минатиот месец: “Девет лица се повредени…“ (видео)

Девет лица се повредени во експлозија во рафинерија на државната енергетска компанија Pertamina PT  во западна Индонезија, соопшти компанијата во неделата, додавајќи дека два пожари минатиот месец однесоа околу 20 човечки животи.

„Експлозија доцна во саботата во компресор за гас предизвика ‘лесни повреди’ од парчиња стакло и оштети неколку куќи во градот Думаи на островот Суматра“, се вели во соопштението на PT Kilang Pertamina Internasional (KPI), додека причината за несреќата се уште се истражува.

Во пожарот на 3. март на терминалот за гориво во фабриката во Џакарта, еден од најстарите и најголемите во земјата, загинаа повеќе од 20 луѓе. Тројца загинаа во пожар на 26. март на танкер што превезуваше нафта од фабриката до островите Бали и Ломбок.

„KPI се извини за инцидентот во саботата“, изјави портпаролот, додавајќи дека „процесот на опоравување“ е во тек по гаснењето на пожарот. „Неколку единици беа погодени и запрени од експлозијата и пожарот, но останатите работат како и обично”, додава тој за тамошните медиуми.

Тој не одговори веднаш на прашањето за влијанието врз производството или снабдувањето, но KPI соопшти дека националните резерви на гориво се „безбедни“.