Го тестиравме новиот Apple Vision Pro
Можете ли да го носите во автобус? Дали можете да гледате филмови и ТВ серии додека возите? Или пак да нарачате кафе и храна на каса додека ги читате вашите мејлови? Уредничкиот тим на IT.MK имаше толку многу прашања поврзани со тестирањето на блескавата нова играчка на Apple наречена Vision Pro, благодарение на Augment IT.
Официјално лансиран во САД во февруари 2024 година, Vision Pro е уред кој овозможува мешана реалност. Производот истовремено е и отстапување од она што Apple вообичаено го нуди и за многумина дава поглед во иднината на технологијата.
Се разбира, секогаш кога има нов производ на Apple, тој е пропратен со многу возбуда – па овој пат моравме сами да го тестираме и да видиме дали возбудата околу уредот е оправдана, какво е вистинското искуство што го нуди Vision Pro и како истото се разликува од конкуренцијата.
