Градските власти во Рим преземаат мерки за сузбивање на наездата од стаорци околу Колосеумот
– Градските власти во Рим денеска соопштија дека преземаат мерки за сузбивање на наездата на стаорци околу Колосеумот, откако туристите на социјалните мрежи објавија фотографии од глодари во близина на објектот.
Директорката на градскиот оддел за собирање ѓубре, Сабрина Алфонси за италијанските медиуми изјави дека синоќа и денеска рано изутрината била започната „специјална интервенција“ за да би се осигурало дека луѓето можат безбедно да поминуваат низ едно од најпосетуваните туристички места во Италија.
Операцијата ќе продолжи и наредната недела со чистење на зелените површини околу Колосеумот и одводите каде се вообичаени стаорците, како и поставување стапици, се вели во соопштението на градските власти.
