ДАЛИ ЕВРОПА ЌЕ ДОБИЕ “ВОЕН ШЕНГЕН“ !? Русите револтирани откако НАТО најави нов голем проект: “Одмаздата доаѓа!“
Кремљ во петокот соопшти дека желбата на НАТО да создаде воена верзија на Шенген зоната во Европа, која ќе им овозможи на вооружените сили на западната воена алијанса слободно да се движат со цел посилно да и се спротивстават на Русија, ги зголемило тензиите и ја зголемила загриженоста.
Првиот човек на логистичката команда на НАТО за Европа (JSEC), генерал-полковник Александар Солфранк, во четвртокот изјави за медиумската агенција Reuters дека би сакал да види таква зона.
„Ни истекува времето“, вели Александар Солфранк и посочува: „Она што не го правиме во мирнодопски услови нема да биде подготвено во случај на криза или војна“.
JSEC, лоциран во германскиот град Улм, го координира движењето на луѓе и материјали од НАТО блокот низ континентот. Додека JSEC беше основан во 2021 година за да ги насочи подготовките за потенцијална војна со Русија, неговата работа сè уште е фрустрирана од регулативите на национално ниво.
Според Александар Солфранк, бирократијата може да предизвика сериозно одложување на реакцијата во случај на војна со Русија. НАТО активно и помага на Украина во војната со Русија, а Киев се надева дека еден ден ќе се приклучи на воениот пакт.
Самиот НАТО, сепак, не е во војна со Русија, а претседателот на САД, Џо Бајден, и другите западни лидери тврдат дека се обидуваат да го избегнат тоа поради огромниот нуклеарен арсенал на Москва.
Портпаролот на Кремљ, Дмитриј Песков, изјави дека Москва ќе одговори доколку овој „воен Шенген“ стане реалност.
„НАТО секогаш ја сметаше нашата земја за таканаречен идеолошки непријател. Сега отворено ја смета за очигледен противник. Оваа изјава не служи ништо друго освен подигање на тензиите во Европа, а тоа има последици“, посочи Димитриј Песков.
„Разговорите за создавање на ‘воен Шенген’ уште еднаш покажуваат дека Европа не е подготвена да ги слуша легитимните грижи на Москва, но е подготвена да ја зајакне својата безбедност на сметка на Русија“, тврди Димитриј Песков.
„Тоа е НАТО кој што постојано ја движи својата воена инфраструктура кон нашата граница“, вели Димитриј Песков.
Од крајот на Студената војна и распадот на поранешниот СССР, НАТО се прошири на околу 1.000 километри на исток, прифаќајќи ги Полска и балтичките земји во својот сојуз, со што го прошири своето источно крило на вкупно 4.000 километри.
НАТО моментално има 10.000 војници во осум борбени групи стационирани низ цела Источна Европа. Генералниот секретар на НАТО, Јенс Столтенберг, минатата година објави дека има планови за засилување на овие распоредени сили со 300.000 војници со висока готовност во резерва.
