Дали е ова екран или ролетна? Познатата компанија има одговор на сите барања

„Rollable Flex“ е „Samsung“ екран кој може да се растегнува како ролетна

Јужнокорејскиот гигант ќе го претстави својот најнов производ од работилницата „Samsung Display“ оваа недела во Лос Анџелес на конференција посветена на екрани од сите видови и облици.

„Samsung Display“ објави дека развил нов екран кој може да се навива и одмотува како свиток или ролетна.

„Rollable Flex“ е висок само 49 милиметри, но може да се одмотува дијагонално за да се прошири до 254,4 милиметри, се вели во соопштението на производителот на дисплејот.

Додека во својата почетна форма, може да се користи како монитор, а откако ќе го развлечете, може да дејствува како пренослив уред со екран како таблет или лаптоп, додаде Samsung Display.

Rollable Flex е еден од многуте дисплеи што компанијата планира да ги прикаже на SID Display Week 2023 година, годишната конференција на индустријата за прикажување, која се одржува во Конгресниот центар во Лос Анџелес од 23 до 25 мај.

Новиот екран наменет за преносни уреди го носи името „Sensor OLED“ од Samsung, а посебен е по тоа што може да ги препознае отпечатоците од прстите на корисникот каде било на него. Ова го разликува од моментално комерцијализираните дисплеи кои имаат сензори за отпечатоци како модули прикачени во одредени области на уредот.

На конференцијата „Samsung Display“ ќе ги изложи и претходно најавените иновативни екрани, како што се „Flex Hybrid“, кој може да се превиткува и поместува и „Flex In & Out“, кој може да се свитка навнатре и нанадвор за 360 степени.

„Samsung Display“ ќе го изложи и својот најнов модел на QD-OLED екран од 77 инчи наменет за телевизори од високата класа, кој може да се пофали со осветленост од 2000 nits, пренесува Zdnet.com.