„Дали ти си Путин?” Прашањето на детето до рускиот претседател ги шокираше сите, а најновото видео повторно ги распали бројните шпекулации (ВИДЕО)
На социјалните мрежи повторно се шири бизарна теорија за рускиот претседател Владимир Путин.
Некои корисници се убедени дека последното појавување на рускиот лидер Владимир Путин во јавноста е всушност лажирано и дека тоа го направил неговиот двојник.
Снимен е неговиот состанок со Џанг Јуси, заменик-претседател на Централниот воен комитет на Народна Република Кина во Нови Огариово, надвор од Москва. На снимката се гледа како Путин ги поздравува медиумите, но некои забележале дека образите му изгледаат чудно.
Темата за образите експлодираше на социјалните мрежи, а многумина се запрашаа дали навистина се работи за рускиот претседател, пренесува британски Експрес.
Некои медиуми често шпекулираат дека Путин понекогаш ангажира двојник за јавни настапи за да спречи можни атентати.
– Двојник со импланти на образите – напиша еден корисник на Х коментирајќи го последното појавување во јавноста.
Друг утврдил дека Путин бил подложен на естетска операција и дека „инјекцијата му ги подигнала и ги наполнила образите“, а потоа додаде дека очигледно станува збор за актер.
– Ова е „Путин со овално лице“, кој е газда на вистинскиот Путин кој се појави за време на пандемијата на Ковид – вели третиот корисник.
Има и корисници кои не се убедени дека се работи за двојник.
– Чест несакан ефект од долготрајната употреба на стероиди. Сосема препознатливо – коментира еден корисник.
– Од појавата на малата модринка над образот, би рекол дека ова е свеж филер – напишал друг.
– Се прашувам како навистина изгледа без естетски подобрувања – имаше многу коментари.
Од почетокот на руската инвазија на Украина, кружат луди теории за Путин, главно дезинформации. Меѓу нив е и неодамнешната теорија дека Путин е всушност мртов и дека е во тек државен удар во Кремљ. На секои неколку месеци се пишува за тоа како рускиот лидер е тешко болен и дека му остануваат уште неколку месеци живот.
Да потсетиме, слична теорија се појави неодамна, поточно на 4 ноември, кога се појави видео на кое се гледа како Путин се дружи со деца откако положил венец на Денот на националното единство, а едно дете го прашува: „ Дали ти си Путин?”
Тој колебливо одговара: „Засега сум“, додека се слуша смеата на насобраните деца.
И додека некои тоа го протолкуваа како шега на рускиот претседател, други сметаат дека тоа всушност бил неговиот двојник во видеото.
Коментирајќи го новинарското прашање за тоа дека Путин има двојник, Песков нагласи дека тоа спаѓа во категоријата „апсурдни лажни вести кои не можат да предизвикаат ништо друго освен насмевка“ .
