Деколте подлабоко од инфлацијата: Хејли Бибер го привлекуваше вниманието со своите долги нозе (ФОТО)

Манекенката Хејли Бибер (26) изгледаше сензационално додека излезе во Њујорк во четвртокот навечер за да ја прослави првата годишнина од нејзиниот бренд за нега на кожа Ронда. Сопругата на Џастин Бибер го покажа своето исончано и затегнато тело во оскуден розов мини фустан со штрасови. Фустанот имаше тесен корсет кој го истакнуваше и онака тесниот струк на Хејли.

Пред својот стан во Њујорк прошетала во проѕирни високи потпетици. Со целиот изглед таа имаше соодветна блескава розова чанта.

Иако се чини дека не може повеќе да заслепува, манекенката избра да носи дијамантски ѓердан и обетки од Тифани. На долгите нокти нанесе француски маникир во црвено-розова комбинација на бои. Таа носеше едноставна шминка, но со многу сјај, особено нагласувајќи ги јаболчниците. Таа ја собра својата темна руса коса во елегантна мазна пунџа.

Младата претприемачка на својата инстаграм приказна со следбениците ги сподели деталите од подготовките за прославата и нејзиниот изглед.

За потсетување, брендот на Hailey’s Rhode беше лансиран во јуни 2022 година и е нејзиниот прв деловен потфат во светот на козметиката. Таа се рекламира како веганска линија за нега на кожа без глутен, развиена од дерматолози.

Хејли во делот „За нас“ на официјалната веб-страница на брендот истакнува дека нејзиното патување до поздрава кожа ја мотивирало да создава производи кои навистина функционираат. Таа сака производите да бидат достапни за секого, а цената на ниту еден производ не надминува 30 долари.

Гордиот сопруг Џастин Бибер и честиташе на една година од брендот со огромен букет бели цвеќиња и порака:

„Среќна прва годишнина од Род на мојата прекрасна сопруга. Толку сум горд на тебе. Со љубов, Џастин“.