Димитар Ковечевски: “Маркетите ја почитуваат ‘гарантираната цена’, некои производи намалени до 40 отсто“

Маркетите ги почитуваат мерките што се однесуваат на „гарантираната цена“, тврди денес претседателот на Владата, Димитар Ковачевски.

Според него, некои производи како млекото и месото, веќе бележат поевтинување од 10 до 40 отсто.

„Мерките што се однесуваат на ‘гарантираната цена’ се почитуваат во маркетите без никаква селективност и веќе гледаме дека има намалување на цените на основни прехранбени производи од 10 до 30 и 40 проценти. Тоа се млекото, месото, производи од делот на зеленчукот, овошјето и тоа може да се види во маркетите“, истакна премиерот, одговорајжи на новинарски прашања по конференцијата „Македонска економија-довербата расте“.

Димитар Ковачевски уште еднаш напомена дека владините политики даваат резултат.