Драмата во Израел продолжува: Пожарникарите се борат да го контролираат огнените стихии што проголтува сè на својот пат
Израелската противпожарна служба објави дека 155 екипи пожарникари сè уште интензивно работат на гаснење на големите пожари што зафатија неколку региони во земјата .
Пожарите се уште се надвор од контрола, а авионите што го гаснат пожарот од воздух учествуваат во контролирањето на пожарот, објави „Тајмс оф Израел“.
„Во овој момент, сè уште не сме во можност да ги контролираме пожарите“, се вели во соопштението на Израелската противпожарна и спасувачка служба, истакнувајќи дека 17 пожарникари се повредени, од кои двајца се однесени во болница.
Во меѓувреме, полицијата објави дека за време на Денот на независноста, кој се слави во Израел оваа година од вечерта на 30 април до вечерта на 1 мај, ќе има национална забрана за палење пожари и скари.
Елија Леви, раководител на операциите во Ерусалим, рече дека ограничувањето ќе се спроведува низ целата земја, а се очекува операциите за гаснење пожари да траат до вечерта.
Според него, овие мерки се воведени за да се спречи понатамошно ширење на пожарот и да се намали ризикот од нови инциденти за време на празникот.
Израелскиот премиер Бенјамин Нетанјаху вчера прогласи вонредна состојба поради пожарите што избувнаа во близина на Ерусалим, предупредувајќи дека пламените јазици би можеле да стигнат до градот, јавуваат израелските медиуми.
Jerusalem Forest.🔥🔥🔥
— Ayesha (@KashmiriAyesha1) May 1, 2025
💔Pray for Israel. 🙏🙏🙏
#Israel LeBron ! Line of Control #Retro #HIT3 #Suriya #RetroFDFS #IndiaPakistanTensions #IndiaPakistan pic.twitter.com/eEOYPdy537
Во видео изјава, тој нагласи дека приоритет во моментов е одбраната на Ерусалим, додавајќи дека илјадници луѓе се евакуирани.
Според „Тајмс оф Израел“, прославите за Денот на независноста низ целата земја се откажани.
Синот на израелскиот премиер Јаир Нетанјаху процени дека зад пожарот можеби стојат левичарски активисти.
franceinfo#ISRAEL Benyamin Nétanyahou, a averti que les feux de forêt qui se propagent rapidement près de #Jérusalem pourraient atteindre la ville. “Le vent d’ouest peut facilement pousser l’#incendie vers les quartiers en périphérie, voire jusque dans la ville elle-même” pic.twitter.com/B3iUesdA8s
— Dominique De BEVEC (@de_Bevec) May 1, 2025
„Нешто не е во ред овде. Во последните недели, левицата се обидуваше да ја откаже прославата на Денот на независноста и церемонијата на палење на факелот. Се надевам дека пожарот го предизвикаа само Арапи, без никаква соработка од нашиот народ“, напиша тој на социјалната мрежа X.
Како што беше објавено вчера, најмалку 12 лица, меѓу кои и две бебиња, се полесно повредени и хоспитализирани поради пожарот, соопштија службите за итни случаи.
Повеќето од пациентите биле хоспитализирани поради ефектите од вдишување чад, а на уште 10 лица им била потребна медицинска помош на лице место.
