Драматична закана од Кремљ по апелот на Украина: „Тоа ќе ви донесе само дополнителна болка и страдање“
За време на посетата на Лондон во средата, украинскиот претседател Володимир Зеленски ја повика Велика Британија да го снабдува Киев со напредни борбени авиони како дел од следната фаза на снабдување со западно оружје на украинските сили.
Портпаролот на Кремљ, Димитриј Песков, рече дека испораката на напредни борбени авиони според стандардите на НАТО само ќе им донесе дополнителна болка и страдање на Украинците и ги критикуваше земјите од НАТО дека преземаат подиректна улога во конфликтот.
– „Ова не е за ништо друго освен зголемена вклученост на Велика Британија, Германија и Франција во конфликтот меѓу Русија и Украина“, рече Песков.
„Линијата на поделба меѓу индиректното и директното учество полека исчезнува. Можеме само да изразиме жалење и да кажеме дека овие акции ќе придонесат за ескалација на тензиите, ќе го продолжат конфликтот и ќе го направат поболен за Украина“, додаде Песков.
Ако Западот се согласи да испрати борбени авиони, тоа нема да ја одврати Русија од нејзината специјална воена операција во Украина и ќе продолжи додека Москва не ги постигне своите цели, рече Песков.
