ДРАМА ВО АМЕРИКА – Трамп издаде застрашувачко предупредување
Поранешниот американски претседател Доналд Трамп денеска објави дека неговите адвокати имале „продуктивна средба“ со претставници на Министерството за правда, додавајќи дека покренувањето обвинението против него „дополнително ќе ги уништи“ САД.
– Моите адвокати утрово имаа продуктивен состанок со Министерството за правда, при што детално објаснија дека не сум направил ништо лошо, и дека обвинението против мене само дополнително ќе ја уништи нашата земја – напиша Трамп на својата социјална мрежа „Truth Social“.
Тој додаде дека за време на средбата не му било дадено предупредување на неговиот тим.
– Не верувајте во лажни вести – порача Трамп, кој се бори за кандидатура на републиканците на претседателските избори во САД во 2024 година.
