Дрвени скутери на човечки погон: Превезуваат и до половина тон, не трошат бензин и траат многу долго
Во Конго нема струја, бензинот е скап, па традиционалните возила чукуд се спас за транспорт на товар.
Што правите кога треба да испорачате неколку стотици килограми компири, 150 стебленца шеќерна трска, 30 фиданки еукалиптус и осум вреќи јаглен, без моторизиран транспорт? За жителите на Гома, на завојуваниот исток на Демократска Република Конго, одговорот на овој, и на многу други проблеми, е чукуду .
Ова се локални, но многу ефикасни традиционални возила, дрвени скутери со човечки погон , кои можете да ги видите насекаде по патиштата и правливите споредни улици на Гома.
Овие возила се долги околу два метри, имаат широк волан и подигнато предно тркало. Возачите вешто балансираат при носење неверојатно големи товари .
Пристоен чукуд чини 36 евра, но цената на добриот може да биде околу 80, што е прилично голема сума за оваа земја, каде што повеќето луѓе живеат во крајна сиромаштија. Но, благодетот е што нема трошоци за гориво , а возачот на чукуд може да заработи до 10 долари на ден.
Бидејќи поголемиот дел од земјата нема снабдување со електрична енергија , мажите овде обработуваат дрво од еукалиптус со рачни пили и длета, а на вешт мајстор му требаат два дена за да направи еден скутер на нога.
Предноста на ова возило е што може да помине огромни растојанија и да носи до половина тон . Некои модели имаат сопирачка која работи со триење на задното тркало.
Професијата возач на чукуд е нормално многу скапа бидејќи се верува дека кога девојката ќе се омажи за зо-возач, тоа значи дека нема да умре од глад.
