Еве колку заработи Ѓоковиќ со освојувањето на Париз

Првиот тенисер во светот Новак Ѓоковиќ по седми пат ја освои титулата победник на АТП турнирот од серијата „Мастерс 1000“ што се игра во париската сала Берси. Тој во финалето го победи Бугаринот Григор Димитров со 6:4, 6:3. Со оваа победа Ѓоковиќ заработи 892.590 евра.

За 36-годишниот Ѓоковиќ ова е јубилејна 40. титула на турнири од серијата „Мастерс 1000“, а 97. освоен турнир во кариерата. Од друга страна, 32-годишниот Димитров во кариерата има освоено осум турнири, а последниот го освои пред шест години кога славеше на АТП финалето.