“ЕВЕ ШТО НАВИСТИНА СЕ СЛУЧУВА!“ – Димитриј Песков се насмеа на тврдењата дека Владимир Путин е тешко болен: “Завидно сте упорни…“

Портпаролот на Кремљ, Дмитриј Песков, во вторникот ја демантираше информацијата дека претседателот на Русија, Владимир Путин, е болен и ги исмеа постојаните гласини дека двојници го покриваат во јавните настапи.

„Сè е во ред со него, ова е апсолутно уште една лажна вест“, тврди Дмитриј Песков запрашан за извештајот без извор кој се појави на социјалната мрежа Телеграм, кој го презедоа некои западни медиуми, дека претседателот на Русија имал сериозни здравствени проблеми во неделата навечер.

Портпаролот се насмеа како одговор на дополнителното прашање за двојници и негираше дека Владимир Путин имал такви.

„Ова спаѓа во категоријата апсурдни информативни измами, за кои со завидна упорност зборува цела низа медиуми. Тоа предизвикува само насмевка“, вели Дмитриј Песков.

Владимир Путин, џудо ентузијаст кој долго време негува имиџ „човек од акција“, на 7. октомври наполни 71 година. Тој одржува интензивен распоред на состаноци и јавни настапи, од кои многу се телевизиски.

Неговиот неодамнешен распоред вклучуваше посета на Кина минатата недела, со застанувања во два руски града на враќање.

Во интервју во 2020 година, Владимир Путин ги негираше долгогодишните гласини дека користел двојници, иако кажа дека му била понудена можност да го има во минатото од безбедносни причини.