Едно истражување покажа какво влијание може да има кромидот врз холестеролот: А една состојка е одговорна за се
Високиот холестерол може да нè стави на зголемен ризик од здравствени состојби опасни по живот, како што се мозочен удар и кардиоваскуларни болести.
Хиперхолестеролемијата, најчестото наследно нарушување на липидниот метаболизам, погодува значителен број луѓе. Американскиот центар за контрола и превенција на болести (ЦДЦ) објави дека приближно две од секои пет луѓе имаат високи нивоа на холестерол во крвта.
Високиот холестерол може да нè стави на зголемен ризик од здравствени состојби опасни по живот, како што се мозочен удар и кардиоваскуларни болести. Затоа е важно вкупниот холестерол во крвта да се одржува во нормала.
Одржувањето здрава тежина, редовното вежбање и намалувањето на консумирањето алкохол се само дел од начините да се заштитите од хиперхолестеролемија.
Исхраната е исто така клучен фактор. Јадењето храна богата со влакна како грав, овесна каша и авокадо може да помогне во одржувањето на ниско лошиот ЛДЛ холестерол. Еден зеленчук се покажа како многу добар во ова, а тоа е кромидот .
Кромидот може да го намали лошиот холестерол
Хранливи материи што ги содржи кромидот вклучуваат калиум, фосфор, калциум и магнезиум.
Кромидот содржи и флавоноид познат како кверцетин. Во студија од 2017 година, научниците сакаа подобро да разберат како кверцетинот влијае на обратен транспорт на холестерол, процес во кој телото го отстранува холестеролот од клетките.
Тие откриле дека кверцетинот го зголемува транспортот на холестеролот, го намалува неговото ниво и го подобрува функционирањето на добриот ХДЛ холестерол.
Се покажа дека дури и алтернативните форми на кромид ги нудат истите придобивки, при што сокот од кромид богат со кверцетин значително го намалува нивото на ЛДЛ кај пациенти со благо покачен холестерол.
Дали додатоците во исхраната базирани на кромид можат да го намалат нивото на холестерол?
Кромидот може да се подготви на различни начини. Можете да го јадете сиров, варен, можете да го додадете во салати или разни готвени јадења.
Ако не сакате кромид, не грижете се, додатоците во исхраната на база на кромид исто така можат да го намалат нивото на холестерол. Сепак, не беше забележана врска помеѓу суплементите на база на кромид и подобрувањето на нивото на триглицериди, па научниците нагласија дека се потребни повеќе истражувања.
Некои фактори може да доведат до зголемен ризик од хиперхолестеролемија. Тие вклучуваат јадење храна богата со транс масти или заситени масти, седентарен начин на живот, пушење, генетика, возраст и повеќе (според ЦДЦ).
Присуството на хронични здравствени состојби исто така може да биде фактор на ризик, како што се дијабетес тип 2 или дебелина, пишува Health Digest.
