ЕКСПЛОЗИИ НА АВТОПАТ ВО ГЕРМАНИЈА: Верижен судир на 5 камиони, од кои едниот превезувал опасна материја, ИМА МРТВИ (ФОТО, ВИДЕО)

Најмалку две лица загинаа во верижен судар на камион на автопат во Германија во близина на градот Магдебург.

Инцидентот се случил во вторникот околу 12.15 часот.

Возач на камион кој превезувал опасни материи удрил во три камиони, а потоа во нив удрил петти камион натоварен со контејнери под висок притисок полни со азотен оксид.

По несреќата следела драматична верижна реакција: од сударот се запалиле камионите, а пламенот се проширил и на товарот со опасни материи.

Плинските боци кои биле натоварени на еден од камионите експлодирале едeн по друг.

Црн чад извира кон небото, одекнаа експлозии, додека возачите бегаа од местото на несреќата.

– Неколку возила кои се приближувале до местото на несреќата се оштетени од летечки отпад. Судирот резултираше со брз развој на пожарот и ширење на пламенот – изјави портпаролката на германската полиција.

Билд пренесува дека полицијата долго време не можела да се приближи до местото на несреќата бидејќи било премногу опасно.

Дури во вечерните часови, неколку часа по несреќата, спасувачките служби успеале да се приближат до местото на несреќата и да започнат со спасување.

– Во несреќата загинаа најмалку двајца возачи на камиони. Повреден е уште еден возач на камион кој учествувал во инцидентот – соопшти полицијата во вторникот вечерта.

Се стравува дека на местото на несреќата полицијата ќе најде уште тела.