Ердоган: Турција ќе задоволи речиси 30 отсто од годишните потреби за природен гас од резервите на Црното Море
Говорејќи на церемонијата на пуштање во употреба на наоѓалиштето за природен гас во Црното Море, Ердоган рече дека Турција „презема историски чекор кон енергетската независност“.
Турскиот претседател Реџеп Таип Ердоган изјави во четвртокот дека целосниот капацитет за експлоатација на гасот од Црното Море ќе замени речиси 30 отсто од вкупните потреби на Турција, јавува Анадолија.
Говорејќи на церемонијата на пуштање во употреба на наоѓалиштето за природен гас во Црното Море, Ердоган рече дека Турција „презема историски чекор кон енергетската независност“.
Како што рече, додека на друго место во светот потребни се шест до седум години за да се користи гасот откако ќе го најде, неговата земја го утврди темпото со кое беше можно да се направи тоа за помалку од три години.
„Кога ќе го достигнеме полн капацитет, на овој начин ќе можеме да задоволиме речиси 30 отсто од годишните потреби на нашата земја. Во првата фаза од црното море Сакарија ќе извлекуваме 10 милиони кубни метри природен гас дневно, додека Со други бунари тој број ќе достигне 40 милиони“, рече тој.е Ердоган.
Ердоган продолжи да рече дека природниот гас на Црното Море не само што значително ќе ја намали зависноста на неговата земја од странски природен гас, туку и „ќе ги направи Фиљос и Зонгулдак важен енергетски центар“.
Турскиот претседател рече дека граѓаните ќе имаат бесплатен гас една година за користење во примарните потреби на домаќинствата, пред се во кујната.
Во август 2020 година, 320 милијарди кубни метри природен гас беа откриени во бунарот Туна-1 во гасното поле Сакарија во Црното Море, што го прави најголемото откритие на таа енергија во историјата на Турција.
Со дополнителни 85 милијарди кубни метри откриени во октомври 2020 година, вкупната количина на откриени резерви на гас изнесува 405 милијарди кубни метри.
По откривањето на 135 милијарди кубни метри во бунарот Амасра-1 во јуни 2021 година, резервите на гас на Црното Море изнесуваат 540 милијарди кубни метри.
Уште 58 милијарди кубни метри гас беа пронајдени во декември 2022 година во бунарот „Кајкума-1“ во југозападниот дел на Црното Море.
Независна проценка покажа дека резервите на гас на Турција во Црното Море ќе достигнат 710 милијарди кубни метри, со пазарна вредност од околу трилион долари.
