Жозеп Борел: “ЕУ треба да покаже солидарност со Италија, каде пристигнуваат голем број мигранти“

Високиот претставник на Европската унија за надворешна политика и безбедност, Жозеп Борел, денес изјави дека ЕУ мора да покаже солидарност со Италија додека таа земја се бори со зголемениот број мигранти и бегалци кои пристигнуваат на нејзиниот јужен брег.

„Мораме да ја покажеме сета наша солидарност со Италија во овој тежок момент. Европската унија ќе стои покрај Италија“, изјави Жозеп Борел во интервју за France24.

Тој изјави дека е потребна гранична политика која ги надминува безбедносните мерки и подразбира и договори со транзитните и земјите на потекло.

„Потребни ни се договори кои ќе ни овозможат да ги прифатиме мигрантите што ни се потребни, но и со кои ќе биде овозможена депортација на илегалните мигранти кои залудно ги ризикуваат своите животи“, порача Жозеп Борел.