Запознајте ја помладата верзија на Доналд Трамп која официјално ќе влезе во трката за претседател на САД следната недела

Републиканскиот гувернер на Флорида, Рон ДеСантис (44 г.) следната недела официјално ќе влезе во трката за претседател на Соединетите Американски Држави (САД) во 2024 година, објави весникот The Wall Street Journal, повикувајќи се на сопствени извори.

Рон ДеСантис најверојатно ќе поднесе документи за да ја објави својата кандидатура на 25. мај, што ќе се совпадне со донаторскиот состанок (вечера) организиран во Мајами.

Поканата за настанот на 25. мај вели дека донаторите ќе бидат запознаени со неговите идеи, очигледна алузија на собирање пари за Рон ДеСантис, според извор запознаен со настанот за весникот.

Рон ДеСантис е можеби најмоќната закана за напорите на Доналд Трамп да ја добие републиканската номинација за трет кандидатски мандат во 2024 година.

Анкетите на јавното мислење покажуваат дека тој е во најдобра позиција меѓу републиканците за дуел со поранешниот претседател Доналд Трамп, кој веќе ја објави својата кандидатура.

Доналд Трамп ги засили своите политички напади врз гувернерот на Флорида во последниве недели и го одржува водството на републиканските прелиминарни избори во 2024 година, според неодамнешната анкета на медиумската агенција Reuters.

Рон ДеСантис студирал на елитните универзитети Јеил и Харвард. Покрај тоа, тој бил дел во американската морнарица и учествувал во воената интервенција во Ирак.

По активна должност, Рон ДеСантис работел како федерален обвинител, а во американскиот Конгрес за прв пат влегол во 2012 година, како американски претставник за Шестата област на Флорида. Тој станал гувернер на Флорида за прв пат во 2018 година, а бил реизбран во ноември минатата година.