ЗАСТРАШУВАЧКА ПОРАКА – На разделбата со Владимир Путин, Си Џинпинг кажа нешто што ја зоврива крвта на Западот: “Промената доаѓа…“ (фото/видео)
Пред да замине од Москва во вторникот вечерта, каде што два дена беше во официјална посета на Русија, претседателот на Народна Република Кина, Си Џинпинг, му рекол на неговиот колега Владимир Путин на дека „доаѓаат промени“, пишува Daily Mail.
„Доаѓа промена која не се случила во последните 100 години. Ќе ја направиме со заеднички сили“, му порачак Си Џинпинг на Владимир Путин.
Ваквите изјави треба да го загрижат Западот. „Те молам внимавај, драг пријателе“, додал Си, кој потоа беше срдечно испратен од Путин, кој му порача: „Патувајте безбедно“.
Откако Си Џинпинг и Владимир Путин ја најавија промената која светот не ја видел 100 години, авионот на кинескиот претседател ја напушти Москва во средата.
Во февруари 2022 година, двајцата претседатели објавија дека формирале „партнерство без граници“, а Владимир Путин потоа го покани Си Џинпинг во Москва. Потоа, претседателите постојано повторуваа дека ќе работат на зајакнување на нивниот „специјален однос“.
Москва и Пекинг велат дека Вашингтон сака да го контролира светот и дека се против тоа. За време на средбата во Москва, Владимир Путин и Си Џинпинг потпишаа низа договори и меморандуми кои ги зајакнаа билатералните односи меѓу Русија и Кина. Потоа, по потпишувањето на официјалните документи следеше вечера, каде руските и кинеските владини лица вечераа.
Загрижувачката порака за промена што светот никогаш не ја видел последните 100 години беше испратена откако Владимир Путин кажа дека ќе одговори на плановите на Велика Британија да испрати муниција што содржи осиромашен ураниум во Украина. Владимир Путин беше налутен од одлуката на Лондон да испрати борбени тенкови и делови од гореспоменатата муниција на Киев. „Ние сме чекор поблиску до употреба на оружје со нуклеарна компонента доколку тоа се случи“, порача рускиот претседател. Муницијата со осиромашен ураниум е погуста од обичната муниција и може полесно да навлезе во оклопот. Во исто време, осиромашениот ураниум е штетен по здравјето и го зголемува ризикот од рак и други болести.
„Се чини дека Западот сака да влезе во војна со Русија додека не падне последниот Украинец“, тврди Владимир Путин.
Велика Британија ги отфрли тврдењата на Владимир Путин како дезинформации.
„Британската армија со децении користи муниција со осиромашен ураниум и нема никаква врска со нуклеарното оружје и нуклеарните капацитети“, велат од Лондон.
„Реакцијата што ја најави рускиот претседател е само уште една изопачена закана од нуклеарно оружје. Москва и нејзините официјални лице веќе ги изговориле тие работи безброј пати“, се додава во реакцијата од Лондон.
Владимир Путин и Си Џинпинг, исто така, го осудија AUKUS, воено-безбедносниот пакт меѓу Австралија, Велика Британија и Соединетите Американски Држави.
Министерот за одбрана на Русија, Сергеј Шојгу во средата изјави дека светот е „на работ“ на нуклеарна катастрофа. „Направен е уште еден чекор, остануваат сè помалку“, порача Шојгу.
Британскиот парламентарец од Конзервативната партија и поранешен офицер во британската армија Боб Сили ги отфрли тврдењата на Владимир Путин и Сергеј Шојгу.
„Москва ја користи заканата од нуклеарно оружје за да се обиде да го заплаши Западот. Тоа го правеше за време на Студената војна и го прави повторно сега“, изјави Сили. Британскиот парламентарец додаде дека Владимир Путин сака да ги поткопа односите меѓу Киев и Западот.
