Застрашувачкиот педофил Гери Глитер повторно зад решетки: “Се обидел да влезе на црниот интернет, но…“
Гери Глитер, британскиот рокер осуден за сексуална злоупотреба на деца, се врати во затвор нешто повеќе од еден месец откако беше пуштен на условна казна, пишува New York Times.
Музичарот, со вистинско име Пол Гад (78 г.), се вели дека ги прекршил условите на неговата условна казна, иако Министерството за правда на Велика Британија не објавува никакви детали.
„Заштитата на јавноста е наш приоритет број еден. Затоа поставивме строги услови и кога прекршителите ги прекршуваат, не се двоумиме да ги вратиме во затвор“, се вели во соопштението на властите.
Како што пишуваат странските медиуми, иако не е официјално потврдено, враќањето на Гад во затвор доаѓа неколку дена откако британскиот таблоид The Sun објави дека дошле до видео од Гад во хостел. Во видеото, 78-годишникот користи паметен телефон и се чини дека прашувал некого за потенцијалниот пристап до црниот интернет каде може да добие пристап до илегални работи, помеѓу што е и педофилијата.
Гад, кој има 78 години, последните 23 години ги помина главно во затвор, почнувајќи со пресудата за детска порнографија во 1999 година. Откако излегол од затвор, тој се преселил во земјите од Југоисточна Азија, како што е Камбоџа, која го протерала во 2002 година поради сомневање за сексуална злоупотреба на деца. Подоцна се појавил во Виетнам, каде што бил осуден за непристојни дејствија со малолетници. Тој ја избегнал смртната казна со стрелање, но бил осуден на три години во виетнамски затвор, по што бил депортиран назад во Велика Британија. Веднаш по враќањето во својата родна земја во 2008 година, тој беше ставен во националниот регистар на сексуални престапници. Во 2012 година тој беше уапсен и обвинет во врска со скандалот Савил.
