Зачинети чамци со модар патлиџан, вкусни на првиот залак

Од Александра Последно обновено Ное 13, 2023

За сите љубители на синиот патлиџан, ви носиме рецепт кој ќе ви даде сосема ново искуство во подготовката на овој зеленчук

Чамците од сини патлиџани , освен што воодушевуваат со својот изглед, нудат и неодолива комбинација од сочно месо, зачини и кремасто сирење. Откријте како лесно и вкусно да го подготвите овој уникатен деликатес кој сигурно ќе го привлече вниманието на вашите вкусови.

Време на подготовка:

помеѓу 30 и 40

Компоненти:

3 мали модри патлиџани
300 гр мелено месо
1 јајце
6 листови сирење
Малку масло
Сол, зачини по вкус
Сок од домати

Подготовка:

1. Загрејте ја рерната на 180 степени.
2. Модрите патлиџани се мијат и се сечат на половина по должина. Ставете ги во врела вода 5 минути, а потоа извадете ги и исплакнете со ладна вода.
3. Издлабете ја средината на патлиџанот и ситно исечкајте го.
4. На малку масло се пржи меленото месо. Кога ќе ја промени бојата, посолете, додадете малку вода и динстајте 5 минути.
5. Додадете ја сечканата средина на модриот патлиџан, зачинете по вкус и кратко продинстајте. Тргнете го од оган и оставете малку да се излади.
6. Во изматеното јајце се додава изладениот фил.
7. Чамците се редат во плех обложен со хартија за печење. Премачкајте ги со филот, па додадете една лажица сок од домати и лист сирење.
8. Се пече во загреана рерна на 180 степени 30 до 40 минути.

Добар апетит!