ЗА СЕГА НЕМА ОПАСНОСТ !? Се огласи и МААЕ по катастрофата во Украина: “Базенот за ладење на реакторот во нуклеарната централа Запорожје е полн, има резерви на вода неколку месеци“

„Големиот базен за ладење во нуклеарната централа Запорожје, лоциран во близина на браната што експлодираше во вторникот, е полн и има доволно вода за неколку месеци“, соопшти во вторникот надзорната агенција на Обединетите нации.

Големата брана од советската ера во близина на нуклеарна централа во јужна Украина проби во вторникот, предизвикувајќи поплави низ воената зона, што и Украина и Русија настанот го опишаа како намерен напад од другата страна.

Вештачкото езеро зад браната обезбедуваше вода што се користи за основно ладење на шесте реактори во најголемата европска нуклеарна централа, како и за потрошено гориво и дизел генератори за итни случаи кои мораа постојано да се користат кога надворешното напојување ќе испадне.

„Постојат бројни алтернативни извори на вода. Главниот голем басен за ладење се наоѓа веднаш до таа локација над нивото на вештачкото езеро“, објаснува првиот човек на Меѓународната агенција за атомска енергија (МААЕ), Рафаел Гроси, во изјавата по пробивањето на браната „Каховка“.

„Водата од езерото треба да обезбеди доволно вода за ладење неколку месеци“, појаснува Рафаел Гроси, додавајќи дека неговата агенција ќе го потврди тоа „многу наскоро“. Во друга изјава подоцна, МААЕ соопшти дека базенот е полн и дека има доволно вода за „неколку месеци“, бидејќи шесте реактори на централата моментално се затворени.

„Затоа, од витално значење е овој базен за ладење да остане недопрен. Ништо не треба да се направи за потенцијално да се загрози неговиот интегритет. Ги повикувам сите страни да се погрижат да не се стори ништо за да се загрози“, предупредува Рафаел Гроси.