Зеленски не ја дава претседателската фотелја: Сега не е време за избори

Во своето традиционално вечерно обраќање до нацијата, Володимир Зеленски рече дека сега не е време за изборна кампања, сите ресурси треба да се насочат кон одбрана на државата.

„Сите разбираме дека сега е време на војна, кога има многу предизвици, апсолутно е неодговорно толку несериозно и разиграно да се вметнува изборна тема во општеството“, рече Зеленски во својот говор.

„Верувам дека сега не е време за избори. И ако треба да се стави крај на некој политички спор и да се продолжи работата обединето, државата има структури кои се способни да стават крај и да му ги дадат на општеството сите потребни одговори, за да нема простор за конфликти и некој туѓа игра против Украина“, додаде украинскиот претседател.

Неодамна медиумите шпекулираа дека командантот на вооружените сили на Украина Валериј Залужни би можел да се појави на претседателските избори, кои се планирани да се одржат во март следната година. Згора на тоа, во последните денови украинскиот генерал е многу присутен во западните медиуми и многумина мислат дека Западот би можел да си поигра на него на следните избори.