Земјите од Европската унија годинава ќе обучуваат 30.000 украински војници

„Земјите од Европската унија ќе обучуваат 30.000 украински војници во 2023 година“, објави Министерството за одбрана на Украина, додека Армијата на земјата започна контраофанзива насочена кон ослободување на териториите окупирани од Русија.

„Во 2023 година, во рамките на мисијата за воена помош на ЕУ за Украина, планирано е да се обучат 30.000 војници на украинските вооружени сили, вклучително и војници на Територијалните одбранбени сили“, се вели во соопштението на Министерството за одбрана на Украина објавено на социјалната мрежа Телеграм.