ЗОШТО ЌЕРКАТА НА ПУТИН ЈА РАЗГНЕВИ ЈАВНОСТА? Сите го коментираат нејзиното интервју, а најмногу ѝ го замеруваат ова (ВИДЕО)
На Јутјуб два дена пред Нова година беше објавено интервју со Марија Воронцова, најстарата ќерка на рускиот претседател Владимир Путин.
Интервјуто на почетокот помина речиси незабележано. Руските медиуми и корисници на социјалните мрежи го забележале дури на 11 јануари.
Видеото од 42-минутното интервју беше објавено на 28 декември на YouTube каналот „Promoded Russia“, кој во тоа време имаше само 145 претплатници.
Воронцова (38), доктор и научник, одговараше на прашања за рускиот подкаст „#ProNauku“ (за науката), кој, според водителот, е наменет за млади научници и за оние кои сакаат да основаат компанија од оваа област.
Во моментот на објавување на интервјуто, проектот „Medtech.moscow“ имаше помалку од 3.000 претплатници на руската социјална мрежа VKontakte, помалку од 2.000 претплатници на Telegram и само 49 на YouTube.
Но, откако медиумите го привлекоа вниманието, интервјуто беше прегледано стотици илјади пати.
Која е Марија Воронцова?
Воронцова зборуваше главно за науката, медицината и истражувањата во областа на генетиката, особено проучувањето на човечкиот геном. Зборувајќи за третманот на пациентите во Русија, таа нагласи дека „за нас човечкиот живот се уште е најголема вредност“.
Не се споменуваше војната во Украина. И таа никогаш не го спомна нејзиниот татко.
Кремљ ги чува во тајност сите детали за членовите на семејството на Владимир Путин . Самиот Путин никогаш официјално не потврдил дека Марија Воронцова е негова ќерка. Секогаш ги избегнуваше прашањата на печатот за неа.
Меѓутоа, во сите официјални документи што ги објавија руските медиуми, таа е наведена како Марија Владимировна Воронцова, родена 1985 година. Рускиот претседател постојано нагласува дека е горд на своите две ќерки и дека не се занимаваат со политика и бизнис.
Меѓутоа, како што дознаваат новинарите, Марија Воронцова во 2019 година во Москва ја основала компанијата „Номеко“, која реализира проекти од областа на здравството вредни милијарди. На веб-страницата на компанијата, Воронцова е наведена како член на одборот на директори.
Според истражувањето на тимот на Алексеј Навални, опозициски активист кој е во затвор, Воронцова како активист на „Номека“ во 2020 година заработила 232 милиони рубљи (2,4 милиони евра). Понови податоци не се достапни. Дополнително, според тоа истражување, нејзината месечна плата е околу 700.000 рубљи (7.300 евра).
Остри реакции на интервјуто
Интервјуто предизвика остри реакции кај руските блогери и на социјалните мрежи. На пример, многу корисници на Твитер ја обвинија Воронцова за лицемерие. Еден од првите што привлече внимание на интервјуто беше рускиот новинар Андреј Сахаров.
– Нервозна е, понекогаш зборува клише. Експертите ќе ви кажат колку чини прстенот на нејзината рака – напиша тој на својот Telegram канал и објави линк до интервјуто.
Воедно, ова не е прво медиумско појавување на Марија Воронцова. Таа веќе дала интервјуа во кои се претставувала како ендокринолог.
Порака пред избори: Путин (на крајот на краиштата) има семејство
Нејзиното сегашно големо интервју, пред претседателските избори во март оваа година, укажува на промена во комуникациската стратегија на Путин, смета медиумскиот експерт Џо Гребел. Путин, кој сега има 71 година, се подготвува да стане претседател на Русија по петти пат.
