ИЗЛЕГОА КОЕФИЦИЕНТИТЕ ЗА МЕЧОТ ЃОКОВИЌ – АЛКАРАС: На Новак и против Надал на Ролан Гарос би му дале подобри шанси од овие!
Ѓоковиќ никогаш не доживеал да биде таков аутсајдер, а од друга страна да не е Рафаел Надал или Роџер Федерер
Новак Ѓоковиќ или Карлос Алкарас? На сите љубители на тенисот им претстои вистинско уживање во петок во полуфиналето на Ролан Гарос, кое, може да се каже, е финале пред финалето.
Букмејкерите дадоа збор кој е фаворит во дуелот чиј влог е пред се финалето на Грен слем, но веројатно и првото место на АТП листата.
И двајцата испуштија само по еден сет на патот до полуфиналето, а како што е случајот со великаните, значително ја подобрија формата во мечевите против Хачанов и Циципас. Најдоброто, веруваме, допрва ќе го покажат.
Светските тениски обложувалници веќе ги објавија коефициентите. Ѓоковиќ никогаш не го доживеал ова, да биде таков аутсајдер, а од другата страна да не биде Рафаел Надал или Роџер Федерер .
Имено, коефициентот за победа на Алкарас е 1,44, а за триумф на српскиот тенисер е 2,75.
На пример, минатата година, според букмејкерите, Новак бил фаворит во четвртфиналето, дури и против Надал. Ноле беше јасен фаворит со коефициент 1.40-1.45, додека кај Рафа коефициентот беше околу 2.70 и 2.80, но Шпанецот славеше многу убедливо.
