Израелците покажаа необичен знак со раце пред мечот со Косово, еве за што се работи
Фудбалерите на Израел синоќа во Приштина загубија со 1:0 од Косово и ги намалија шансите за директен пласман на Европското првенство, а големо внимание привлече една сцена пред почетокот на натпреварот.
Пред натпреварот беа интонирани националните химни, а косовските навивачи ја исвиркаа химната на Израел.
Израелците со рацете покажуваа необични знаци пред камерите, а никому не му беше јасно за што се работи, но набрзо стигна објаснување.
Имено, додека се свиреше националната химна, фудбалерите со рацете направија симбол со пола срце и на тој начин им оддадоа почит на заложниците кои Хамас ги држи во заробеништво во Газа по нападот на Израел на 7 октомври.
„Тоа покажува дека срцето не е целосно без нивното враќање дома. Моментот беше нарушен од гласните свирежи на косовските навивачи“, пишува Тајмс оф Израел.
