ИМА ЛЕКОВИТИ СВОЈСТВА – Дали знаете дека во Србија има розово езеро, единствено во овој дел од Европа?
Термалната бања Пачир која се наоѓа на северот на Србија привлекува се повеќе посетители поради необичната розова боја на вештачкото езеро.
Оваа бања е всушност добро средена со термална вода која е единствена во Србија, но и во овој дел од Европа. Се карактеризира со солена лековита вода со розова боја која доаѓа од длабочина од околу 1400 метри. Од Суботица е на 33 километри, а се наоѓа во општина Бачка Топола.
Водата содржи натриум, јод, сулфат, бром и многу други минерали. Температурата на водата кога ќе излезе на површината е 72 степени, а кога ќе се олади достигнува температура од 30 до 35 степени. Водата има мирис на јод и други минерали.
Имајќи ја предвид некарактеристичната боја – таа всушност потекнува од јод, бром и литиум, кои овде ги има во висока концентрација.
Врз основа на составот на водата, бањата доби медицински сертификат. Топлата, солена вода помага во зачувување и одржување на здравјето, придонесувајќи за зајакнување на имунолошкиот систем.
Водата има исклучителни својства во лекувањето на разни болести, особено кај кожни болести, ревматизам и постповредни состојби.
Додека самото езеро е отворено во лето, до него во бањата има два затворени базени кои се достапни и во зима.
