Индонезија одвои 2,7 милијарда долари за изградба на својот нов главен град
Индонезија ќе одвои 40,6 трилиони рупии (2,7 милијарди долари) од својот буџет за 2024 година за изградба на својот нов главен град, со канцеларии на претседателската администрација и многу станови за персоналот што треба да бидат завршени следната година. Ова денеска го соопштија министрите.
Оваа југоисточна азиска земја во 2019 година соопшти дека ќе го изгради својот нов главен град Нусантара на островот Борнео, наместо сегашната престолнина, пренаселената Џакарта. Новиот град се очекува да чини вкупно 32 милијарди долари кога ќе биде завршен во 2045 година.
Владата веќе инвестираше 32 трилиони рупии за изградба на основна инфраструктура, вклучувајќи насип и патарина.
Министерот за финансии Шри Мулјани Индравати рече дека 35 трилиони рупии од буџетот за 2024 година ќе бидат дадени на Министерството за јавни работи и домување, кое ќе изгради инфраструктура и станови за државните службеници.
„Поддршката на инфраструктурата ќе биде завршена во 2024 година“, истакна Шри Мулјани на прес-конференција.
Во септември, владата ќе започне со изградба на станови за околу 16.000 државни службеници и воени и полициски службеници, кои треба да се преселат следната година, рече министерот за јавни работи и домување Басуки Хадимуљоно.
Владата планира да заврши 12 од 47 станбени блокови до јули следната година, еден месец пред владата да ја одржи првата церемонија на знамето во новиот главен град на Денот на независноста, прецизираше Басуки.
- Четирите координативни канцеларии на министерството, претседателската палата ќе бидат комплетирани следната година, додека теренот за церемонијата на подигнување на знамето следната година ќе биде завршен во јули, додаде тој.
