Интер Мајами не застанува кај Меси, сака да донесе уште големи светски ѕвезди
По потписот на Лионел Меси, челниците на Интер Мајами во следниот период сакаат да доведат уште две големи ѕвезди на европскиот фудбал – пред се Серхио Бускетс, потоа Анџело Ди Марија.
Изминативе месеци многу се зборуваше за иднината на Меси. Веќе некое време се знаеше дека ќе го напушти Пари Сен Жермен, а главните две опции беа враќање во Барселона или рекорден договор кој пристигна од Саудиска Ал-Хилал.
Сепак, Аргентинецот заврши на целосно трето место, во Соединетите Американски Држави. Негов нов клуб е Интер Мајами, со кој потпиша договор и таму ќе се натпреварува во МЛС лигата.
Станува збор за клуб чиј прв човек е познатиот англиски репрезентативец Дејвид Бекам. Покрај сопственичката позиција, Бекам е и претседател на клубот во Интер Мајами, а покрај него клубот го водат Хорхе и Хозе Мас.
Покрај Меси планираат да донесат уште неколку засилувања во своите редови, а Фабрицио Романо открива дека прва желба на клубот сега е поранешниот играч за врска на Барселона, Серхио Бускетс и дека неговиот потпис е приоритет на овој тим. Заедно со него, се наведува, Интер Мајами сака да го доведе и Анџело Ди Марија, играч на кој му истече договорот со Јувентус и кој исто така може да се приклучи на овој тим како слободен играч.
Исто така, сакаат да доведат уште еден Аргентинец – Леандро Паредес, а се споменува дури и доаѓањето на Луис Суарез.
Што се однесува до Интер Мајами и нивните резултати, ситуацијата во моментов не е сјајна. Тимот губеше еден по друг пораз и е на последното место во Источната конференција на МЛС лигата.
