ИСКРЕНА ИСПОВЕД – Селена Гомез призна: “Да, лажев. Реков дека не ми пречи, но всушност направив море од солзи“

Пејачката Селена Гомез призна дека „лажела“ дека не ја погодиле негативните коментари за нејзиниот изглед и изјави: „Направив море од солзи во мојата соба поради тоа“.

„Лажев. Ќе влезев на интернет, ќе објавев фотографија и ќе си реков: Не е важно. Не го прифаќам тоа што го кажуваат“, изјави 30-годишната пејачка за Apple. ТВ+ документарниот серијал „Dear…“, објавен во четвртокот.

Гомез кажа дека и покрај тоа што се прикажува себеси како личност која не може да ја поколебаат коментарите на интернет, таа сè уште плаче во нејзината соба поради тоа бидејќи како што вели: „Никој не заслужува да слуша такви работи“.

„Постирав такви работи и тврдев дека тоа не ми пречи затоа што не сакав да им пречи на другите луѓе кои минуваа низ истото. Мислам дека е неправедно што мораме да се срамиме од тоа како изгледаме и поради тоа кои сме и кого сакаме. Никој не го заслужува тоа“, изјави пејачката.

Селена, на која и беше дијагностициран лупус во 2014 година, верува дека корисниците на социјалните мрежи „не можеле да чекаат“ да најдат причина да ја измачуваат, и покрај болните несакани ефекти од нејзината хронична болест.

„Се срамев што се здебелив поради лупус“, изјавила пејачката.