Италијанците не сакаат подобри услови за работа: Зошто Џорџa Мелони слави за ова?!

Серија референдуми за имиграцијата и законите за труд не успеаја во Италија откако не беше достигнат потребниот број на излезност од 50 проценти во текот на два дена гласање, што претставува победа за десничарскиот премиер Џорџa Мелони .

Прелиминарните податоци од Министерството за внатрешни работи на Италија покажаа дека само 29 проценти од гласачите учествувале на референдумот до затворањето на гласачките места во 15 часот во понеделник.

Референдумите главно се занимаваа со прашања од трудовото законодавство и се гласаше за:

подобра заштита од отпуштање ,

повисока отпремнина ,

раскинување на договорот за одреден временски период ,

како и одговорност во случај на несреќи при работа .

Петтото референдумско прашање беше за тоа дали луѓето од земји надвор од Европската Унија можат да добијат државјанство по пет години престој, за разлика од сегашните десет.

Конечните резултати ќе бидат објавени откако ќе бидат преброени сите гласови , но според првичните бројки, мнозинството гласачи ги поддржале предложените мерки – сепак, тие нема да бидат усвоени поради ниската излезност .

Неуспехот на референдумот беше очекуван , со оглед на тоа што само 22 проценти од гласачите излегоа да гласаат во недела, кога гласачките места беа отворени до 23 часот, објавува Poslovni.hr .

Од 78-те референдуми одржани во Италија од крајот на Втората светска војна , многумина не успеаја токму поради недоволна излезност .

Овие референдуми беа распишани на иницијатива на синдикатите и левичарската опозиција. Десничарската коалициска влада на премиерот Мелони ги повика своите поддржувачи да не гласаат . Самата Мелони се појави на гласачкото место , но не гласаше .