,,И потоа почнувам да ги вртам сликите во главата” – Што размислува Новак за време на натпреварите? Ѓоковиќ проговори на темата која го интересира целиот свет

Најдолгиот гренд слем финален натпревар во историјата го одиграа Новак Ѓоковиќ и Рафаел Надал во 2012 година во Род Лејвер Арената и траеше 5 часа и 53 минути.

Што се случува во главата на играчот кога се играат вакви натпревари и кога последен пат Новак размислувал за нешто што нема врска со натпреварот, на пр. „Морам да одговорам на таа порака“?

,,Хаха! Па, тоа се случуваше, можеби токму на мечот со Попирин. Не можам да се сетам што точно, бидејќи овие други мисли се побројни. Точно знаете како оди – на пример, низ главата ви се вртат разни сценарија. Тој филм е многу краток, но и многу графички. Почнуваат да се вратат негативни сценарија „што ако изгубам“, а потоа почнувам да ги пуштам тие слики во мојата глава. Тоа не е нешто во кое уживам, но често го доживувам на теренот и морам да се носам со тоа, како и со другите емоции во текот на натпреварот“, одговари Новак.

„Не верувам дека има спортисти и воопшто луѓе кои немаат сомнежи, кои немаат страв. Не постои, не верувам во тоа. Секој има стравови и сомнежи. Згора на тоа, тие можат да бидат присутни на секој натпревар, а прашање е само колку долго човек останува заробен во таа емоција и колку брзо се враќа во оптималната состојба – колку брзо менувате брзини и повторно сте во сегашноста, а мислите ги префрлате на нешто поконструктивно за себе“, продолжува тој.

„Тоа е единствената разлика – дали ќе дозволите да ве долови тоа сценарио и оние слики што ги имате во вашата глава или не. Тоа се исто така силни емоции – колку што љубовта, радоста и мотивацијата се позитивни емоции кои ве движат, така и овие другите се многу силни, дури и посилни во некои моменти и лесно можат да ве скршат. Потребно е да се работи на менталниот аспект за да се зацврстите и да си дадете алатки за справување со ваквите емоции, да не заглавувате предолго и премногу често“, сподели Ѓоковиќ.