Кадиров му пиша на Путин: Бара од рускиот претседател зелено светло за да испрати Чеченци во Бахмут!

Чеченскиот претседател Рамзан Кадиров изјави дека испратил официјално писмо до рускиот претседател Владимир Путин во кое бара наредба за прераспоредување на единиците „Ахмат“ во Артјомовск, или како што Русите го нарекуваат Бахмут.

Во писмото Кадиров изразува желба, со оглед на моменталната ситуација, да се издаде наредба за повлекување на единиците „Ахмат“ од други правци и нивно префрлање на позиции во Артјомовск и неговата околина, кои ги држи групата „Вагнер“. Кадиров рече дека писмото, чие видео го објави на својот канал Телеграм, веќе е испратено.

Шефот на руската платеничка група „Вагнер“ Евгениј Пригожин претходно изјави дека контактирал со претставници на чеченскиот претседател за да започне трансферот на силите од позицијата во Артјомовск. Кадиров рече дека „Ахмат“ е подготвен да напредува кон Артјомовск и дека неколку единици веќе се движеле во насока на извршување на специјална воена операција.

Бахмут е стратешки град во самопрогласената Народна Република Доњецк, за кој руската и украинската страна се борат повеќе од 10 месеци.