КАКОВ ЛУКСУЗ! Ѕирнете во новиот дом на Џенифер Лопез и Бен Афлек: Вртоглава цена и импресивен ентериер од кој боли главата (фото)
Неверојатните фотографии од импресивната нова палата на Џенифер Лопез и Бен Афлек во Pacific Palisades, објавени од Daily Mail, го прикажуваат прекрасниот имот во целост.
Новата куќа е речиси двојно поскапа од првиот имот што планирале да го купат, но има повеќе удобности, вклучувајќи осум спални соби и 11 бањи. Куќата се простира на 4.500 квадратни метри и вклучува теретана, просторија со професионална кино опрема, соба за игри, лифт и огромен двор со базен.
Куќата се наоѓа во Pacific Palisades, северно од Санта Моника и центарот на Лос Анџелес.
Лопез (53 г.) и Афлек (50 г.) првпат беа забележани како го обиколуваат имотот во февруари, а упатените изјавија за магазинот TMZ дека често го посетувале домот. Изворите велат дека можеби се заинтересирани да направат промени на имотот, но фотографиите добиени од Daily Mail покажуваат дека можеби нема да му треба многу подобрување.
Опремен со осум спални соби и 11 бањи, домот е совршен за сместување на нивното големо семејство. Покрај нејзините деца со пејачот Марк Ентони, Ема и Макс, и децата на Афлек со Џенифер Гарнер, Серафин, Вајолет и Семјуел, парот заедно одгледува пет деца.
Судејќи според големината на нивниот нов дом, децата ќе имаат повеќе од доволно простор да се протегаат во нивниот нов дом и да поканат многу пријатели да уживаат во удобностите што ги нуди.
Посебен белег е библиотеката, која вклучува повеќе полици за книги од подот до таванот, совршени за секој љубител на книги. Куќата исто така се наоѓа на рид и има поглед кон кањонот, кој овозможува многу природна светлина да навлезе во сите простории во текот на денот.
Се чини дека куќата има најмалку три ката, од кои сите вклучуваат соби што водат кон задните тераси или балкони. Во случај да сакаат да им дозволат на пријателите или членовите на семејството да останат со нив, имотот вклучува и куќа за гости што се наоѓа веднаш до патеката. Покрај тоа, куќата има простор за три автомобили во гаражата, како и простор за повеќе автомобили во патеката.
Според извештаите, тој дом во моментов е во резерва со потенцијален купувач за 39 милиони долари. Инаку, Афлек неодамна ја продаде својата палата за околу 30 милиони долари.
