Каков текст од Австралија опен за Ѓоковиќ: „Се одвојува од великаните…“
Во Мелбурн ги избројаа сите рекорди што Србинот во меѓувреме ги собори
Самиот факт што во насловот го ставија „Новак Ѓоковиќ се одвојува од великаните“ јасно покажува дека Австралија опен уште еднаш потврди дека српскиот тенисер е најголемиот досега!
Во текст на официјалната веб-страница објавија дека Новак ќе пристигне во Мелбурн во 2024 година за својот рекорден 25-ти Грен слем трофеј, кој ќе го однесе на врвот на листата, броејќи ги и мажите и жените. Да потсетиме, само Маргарет Корт има уште 24.
Потсетија и на рекордите кои ги собори Ѓоковиќ, за кои пишувавме. Најпрво, со триумфот на УС Опен, тој стана првиот играч кој освоил три ГС четири пати во една сезона. Додаваат и дека станал најстариот шампион на УС Опен со 36 години и три месеци.
Финалето во Њујорк беше негов рекорден 36-ти ГС во опен ерата. Тој е и првиот играч кој по 10-ти пат игра во финалето на УС Опен.
Тие продолжуваат да ги забележуваат рекордите и бројките што ги поседува Новак, за на крајот да додадат дека неговата стапка на успех во Отворената ера е на неверојатни 89,4 проценти кога станува збор за ГС.
На крајот, на сите им е јасно колку ќе биде важен Австралија опен следната година, пред се поради фактот што Новак би можел да ја остави и Маргарет Корт зад себе.
