Како Ливерпул направи совршена работа со доведување на играч “создаден” за Клоп

Ливерпул вчера го обезбеди трансферот на офанзивниот играч за врска на Лајпциг Доминик Собошлаи со активирање на неговата откупна клаузула во висина од 70 милиони евра, а англискиот портал Goal го анализираше ова купување на клубот од Енфилд.

Унгарецот кој има 22 години пристигна на лекарски прегледи во Ливерпул и ова се смета за уште еден голем чекор за црвените кон борбата за трофеи.

„Беше апсолутно јасно дека Ливерпул треба да го обнови целиот среден ред, а сега е на добар пат да го сторат токму тоа. само ќе се подобри во наредните години“, пишува Goal .

Собошлаи не беше евтин, а Ливерпул веќе беше изгорен и претходно кога трошеа големи пари за играчот од средниот ред на Лајпциг, Наби Кеита.

„Меѓутоа, на Мерсисајд добија играч кој може да додава, дрибла и шутира и може да трча цел ден. Теоретски, Собошлаи треба да се покаже како совршен играч за технички и физички тешкиот фудбал на Јирген Клоп. Неверојатна можност да се развие во офанзивен играч за врска од светска класа. Има голем притисок на „Енфилд“ и високата компензација може да го оптоварува неговиот грб“, се додава.

Потсетија и дека секогаш кога Унгарецот требаше да направи чекор напред, тоа го правеше релативно лесно со импресивна присебност.

„Поранешниот тренер на Салцбург, Џеси Марш секогаш велеше дека Собошлаи е талентиран како Ерлинг Халанд. Сега ќе дознаеме дали бил во право“, се заклучува во текстот.