Катаклизма во Либија: Сателитските снимки направени пред и потоа го покажуваат целосниот размер на катастрофата (ФОТО/ВИДЕО)

Повеќе од 5.000 луѓе загинаа, а 10.000 се водат како исчезнати откако обилните дождови во североисточна Либија предизвикаа уривање на две брани, испуштувајќи повеќе вода во веќе поплавените области.

Објавени се сателитски снимки од поплавеното подрачје направени во август и по поплавите.

Тарик ал-Караз, претставник на владата, рече дека водата ги однела телата на загинатите и цели населби во морето.

Тој додаде дека очекува бројот на загинати да се искачи над 10.000. Истата бројка ја соопшти и Меѓународната федерација на Црвениот крст и Црвената полумесечина.

Тамер Рамадан, шеф на делегацијата на Меѓународната федерација на Црвениот крст и Црвената полумесечина во Либија, рече дека бројот на загинати е огромен.

Во источниот град Дерна, кој претрпе најмногу уништени, дури 6.000 луѓе сè уште се водат како исчезнати, изјави за либиската телевизија Алмасар Осман Абдулџалил, министер за здравство во источната администрација на Либија.

Tој ја нарече ситуацијата „катастрофална“ кога го обиколи градот во понеделникот.

Болниците во Дерна веќе не се отворени, а мртовечниците се полни, изјави Осама Али, портпарол на итната помош.

Телата беа оставени надвор од мртовечниците на тротоарите, додаде тој за Си-Ен-Ен.

– Нема итни служби. Во моментов луѓето работат на собирање на телата – изјави Анас Баргати, лекар кој моментално волонтира во Дерна.