Кои светски бизнис гиганти останаа да работат во Русија?

Десетици компании од западните земји, вклучувајќи ги и Германија, САД, Велика Британија, Франција и Италија, продолжуваат да се активни во Русија, и покрај санкциите

Повеќе од 1.000 странски компании ја прекинаа работата или престанаа да работат во Русија од 24 февруари минатата година кога започна руско-украинската војна, но некои и понатаму делуваат во таа земја и покрај постоечките санкции.

Откако Русија го започна она што го нарече „специјална воена операција“ во Украина, голем број сектори и земји најавија санкции или суспензии со обид за притисок врз руската економија.

Некои компании ја запреа својата работа и испораката од Русија, додека други ги завршија своите инвестиции или се повлекоа од партнерствата во Русија, дури и во Белорусија.

Американскиот Универзитет „Јеил“ објави извештај што покажува дека десетици компании и понатаму работат во Русија.

Главно од Кина, многу компании продолжуваат да делуваат, вклучувајќи ги и компаниите „Air China“, „Alibabа“, „China Mobile“, „Agricultural Bank of China“, „Honor“, „Oppo“, „Tencent“ и ZTE.

Околу 27 германски фирми, вклучувајќи ги и „AnyDesk Software“, „Claas“, „Globus“, „Hoffman Group“ и „Siemens Healthineers“, се меѓу активните фирми во земјата.

И околу 27 американски компании исто така се активни во земјата, вклучувајќи ги меѓу нив и „Quicksilver“, „Cloudflare“, „Sbarro Pizza“, „Riot Games“, „Tupperware“, „Valve“ и „Guess“.

Меѓу активните компании се речиси 30 француски компании, 12 италијански, 7 британски и 5 шпански.

Претходно, извештајот на „Brand Finance“ покажа дека голем број големи западни брендови го запреле своето делување.

Најголемиот светски бренд, Амазон, го запре своето делување во Русија на 9 март 2022, а Епл, кој се наоѓа на второто место на листата на најдобри брендови, исто така, ја запре официјалната продажба во Русија на 2 март 2022 година.

Како трет највреден бренд, Гугл во март 2022 година суспендираше некои свои услуги во земјата, како што е огласување и пазарот на апликации.

Во јануари извештајот на Универзитетот „Санкт Гален“ со седиште во Швајцарија покажа дека само 8,5 отсто од компаниите од ЕУ и Г7 презеле чекори за излез од Русија или го запреле своето работење во таа земја.

TRT Balkan