Јамал урна рекорд стар еден век и стана најмлад фудбалер во историјата на Барселона

Ламин Јамал стана најмладиот фудбалер во историјата кој настапил во дресот на Барселона, откако во вчерашниот триумф над Бетис (4-0) во рамки на 32. коло во Ла Лига влезе на теренот од клупата за резерви во 83 минута.

Јамал дебитираше за Барселона со 15 години, девет месеци и 16 денови и со тоа го урна рекордот, кој дури 101 година беше во сопственост на Арманд Мартинез Саги од 1922 година.

Јамал, исто така, стана петтиот најмлад фудбалер во историјата на шпанското првенство.

Играта на 15 – годишниот тинејџер на прес – конференција по натпреварот ја пофали и тренерот на Барселона, Чави.

„Ламин беше многу добар. Му реков да се обиде да биде опасен и тој успеа во тоа. Замислете, има само 15 години!. Малку недостасуваше да постигне гол. Тој е посебен, полн со самодоверба и може да стане важен играч“, рече Чави.